08/01/2003
WECHE MOKADHO
JEXJALUO ****
;
Ne andiko ni kaber to wan Otwal waduok pakruok chien e mbui marwani..Gik ma yiengo wiwa thooth omiyo ber ka wakonyore e paro kaluwore gi ranyisi ma
wanyalo yudo e pinje ma oko ma wakwako. Ne ok awacho ni pakruok en ayany -
ooyo! pakruok ber kendo mit ( to mana sama lembwa leny eka wanyalo pakore
kae to wanyiero gongwana.)
Gima ayudo en ni wuon Atinga ber e dholuo - Dholuo ne pong'o dhok ka
miend dana Nyar Okongo ( miende chuok to mit kendo pong'o wang mar adier).
Ageno ni wuon Atinga biro medo nono pakruok ma wayudo e mbui ni - kendo
Otwal biro medore paro e yore mag dongruok, yore mag sudo mbele.
Wach Disk chando nyidhindwa e school kendo miyo sama giduogo pacho to
Kisungu ema gidhumo nimar Maalimbe/ kata Madambe ma tiegogi e skul
osepuonjogi ni kisungu ema biro konyogi e ood penj kendo Dholuo gi no nyaka
giwe e rangach sama gidonjo e od tiegruok. Donge wapuonj jopuonj machwado
nyithindwa ma owacho dholuo e skul ni puonj maber en mamiyo nyithindwa yudo
kargi e gweng kama idwarogie - ok kawasungu. Omiyo nyaka gipuonj dho Kisungu (to kik gichwad nyithindo ka owacho Dholuo).Chwado nyathi ma owacho dhoge en richo e galamoro mar otwal!
Machielo chalo kama: e dho oswayo, Jagot iluongo ni Mkisii (Wakisii),
Onjelo ni Mkalenjin (Wakalenjin), Okuyu ni Mkikuyu (Wakikuyu), modong go
bende ni M....(Wa...) kae to gi dhoode. To otwal ka ema ji ongeyo ni M-JA -
Luo. "Ja" ni donge miyo Oswayono mit ka iwinjo? Koro ni kata sama wathooth
to pod wan mana Wa-ja-Luo. Aneno ni ochopo okang' ma onego olernegi nika
Otwal galamoro to olokore Wa-Jo-Luo.
En An,
amayoominobonyo@hotmail.com
Ka in gi mari moro ma di wandik ka to
orni
Akelo nyar Kager
jaluo@jaluo.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.