JEXJALUO ****
Moi to winjo siasa yawa, wang’ni kata George Bush owuondo!
Anito miriambo ma gaset obarowago ni olkida ema goyo mbom Mombasa, olkida kitu gani? Raila yande owachonwa maler ni Moi ne ogwele ni ka odok e Kanu to obiro swago barutu ma bwogo ji mit koro o geng’o yiero kwom dweche auchiel ka oketo Raila jalup ker.
Raila ne ok riambi. Magi bende e kar chakruok mag wechegi. E piny masani mangima, onge ng’ama osomo siasa mar survival maloyo Moi, ok awuondu. Ma koro nyoro ogoyo barutu mana kaka Raila ne owacho ma piny owuoro cha! Donge koro Bush gi Blair yawone pinje nyalhodia. Mit koro giwuore kaka jaduong’ maber ma konyogi goyo olkida! Otange wuod Odongo to koro bwonjo mos ma dok umo mana dhoge gi lwete ka olokore bathe onyiso Biwot ni “Nikolas, hii kithu kinaithwa siasa thunajuuua sana, sio?” to osiepne dwoke ni “Heee, hatha thiaidi hawethi jua”.
Misil miwacho ni nyocha odir mondo ogo ndeke Israel go, mago to aparo ni majoni mopuodhi ema nyocha oor mondo ogo. Kendo ne ogol kuomgi mechanism ma luwo liet mar ndege mondo kik ogo ndege. Donge uneno ka bende giweyo gi piny kanyo mondo joyasusi oyudgi mayot.
Wuod Odongo to otiyo mana gi sirikande mong’eyo kama kawaida, ema koro o succeed wuondo piny ngima ni olkida ema timo gigi to magi mana tools ge mag survival.
Wuode ero koro nyoro ose yier Baringo bang’ diyo mende joma ne ni dhi pinge. Agoyo darubin gi wang’a ma aneno ni ka yiero odhi nyime kaka ochan, Kenyatta nyaka lo. Mudavadi onego log lwete kama entie bedo jakup mapiyo koriek, nono obiro limo Ouko. Wuod Moi biro bedo jalup Kenyatta, bang’e Kenyatta ibiro chun mondo obol ne wuode, nono obende obiro dhi limo Ouko, aye wuode kawo telo. Ka ok kamano, to ombulu onge, waketho seche nono. A waket wang'wa!
Ayugi.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo dwondi
in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.