09/01/2003

WECHE MOKADHO

AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 

;Hit Counter

 
  
 

Kinda kiteng'a


Ajos,
 Aneno ka Min Kadhola ochano tiend: "Kinda kiteng'a ne omiyo
 opuk ogwaro nyar min Kirowo" e ling'any ma en bende nene
 owinje-go. Ngeche Luo fuonde-gi thoth, omiyo an bende amedo
 mana machuok e rot machielo manene awinje-go.
 
 Chon ahinya joma miyo ne ohero dhi e tie aora kata
 chund-nam dhi teng'o rech. Ka nene gise teng'o to gidok gi
 rech ma gimako pacho gidhi chwero mit gitedo-gi. Bang'e
 nene ginyalo lewo ne teng'o kuom ndalo achiel ariyo moko
 nimar ne nyalo bedo ni en chieng' sabato, kata chieng'
 domnika, kata pod ni girero chiemo ma moko. To Min Kirowo
 to ne en Miyo ma ja miluma ka ja kinda e teng'o ma-ok lew
 ngang'. Omiyo kata kinde ma mon wetene ne olewo ma-ok odhi
 teng'o, to miyoni to nyaka chop bwo aora okinyi mang'ich ka
 ugwe pod wang'. Ngeche nene otimo kinda e teng'o rech.
 Chieng' moro kane oyudo odhi teng'o rech en owuon, nene
 odonjo ei pi nyaka pi ochopo e nungone, ochako teng'o rech.
 To kare kinde-no, opuk moro bende ne oyudo onimo ei-pi
 kanyo. Opug-ni mit nene ogwaro nyar min Kirowo gi kog-no
 ma-bith sidang'. Kanyo-no to, remo ni we-na yo! Mani nene
 olokore ngero. Ngeche ni timo kinda ahiiiinya e gimoro
 nyalo kelo mijemo ne ng'ato.
 bmo.

Ka in gi mari moro ma di wandik ka to orni
Akelo nyar Kager
jaluo@jaluo.com
Daher winjo dwondi in bende, iwinjo?

IDWARO TICH?

Inyalo oro twak kod weche manyien ne: Mig. Ajos wuod Atiga
  WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam. 

WENDO MIWA PARO

OD PAKRUOK