JEXJALUO ****
NDALO MARATENG' ORUMO E PINY KENYA
Jothurwa an wuod Karachuonyo ma podho chieng' e dhoot moro ma iluongo ni Nyipir,mano en chi Rachuonyo kwarwa matin. Awuok e gweng' ma iluongo ni Omindi.Daher mondo aparnue kuma waaye kaka bor. An ka onyuola, ayudo ka jaduong' ma wuod Okuyu mane osenindo
ema rito piny. To bang'e ja wuod Odongo odonje e telo. Kuom adier jokanyanam, thuonni okok kuom higni piero ariyo kod ang'wen to ma otimo ok aneno.
Jowa bende unyalo paro higa mar gana achiel kod piero ochiko kod abich,ndalo mane ichunowa gi loch mar KANU mondo wang'ad stamp mar KANU mane iuso omenda
maromo abich ma bang'e to ne omedi ma ochopo omenda apar? Jokanyanam mano e ndalo marateng' ma awachonu malokanyono. To gima miya luoro, ni thounni ne kok kamano to joma osomo bende ne nimana tiere to onge ng'ama ne nyalo kwaero.
An aneno ka pinywani oa kama bor jothurwa. To bende uneno gik ma loch KANU ne ogero kaka ranyisi mondo oparegodo mane okawo muandu ma tara gi gana to jopiny kech nego? Ka idhi dala mar Uhuru Park, nitie monument mane oger gi omuom maromo tara ang'wen.
Jokanyadana gigi tinde onge kata mana tiendgi. Magi e gik ma omedo tieko mwandu mar Kenya. En mana ni ne pod atin ndalogo, ema ne omiyo ok anyalo wuoyo. To jogo mane nitie kendo ne osomo to ne olokore ngoche omiyo pinywa mar Kenya omedo nimo to gineno.
Ka uparo osiptende mag Nyayo kod nyamburko mag loch Nyayo, gin kanye? Mago ne olingore e nam duto omiyo nyikwa Hawa, kik wachak wanuo timno nyadiriyo. E twak mar machielo abiro loso kodu e wach mar somo e pinywa mar Kenya. Atimo mos ni dholuo ok aberie ahinya to kata kamano ubiro weyona richo mara.
Eliud Nyabwa
Wuod Nyar Naya
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo dwondi
in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.