JEXJALUO ****
Amoso uduto Joka Nyanam!
An bende we akete pacha kaeni e wach ni. Chung' mar Jim Orengo mondo olar kom maduong' mar ker mar Kenya onge kama biro konyo kendo onge kama obiro dhiyo go.
Ajim en ng'ama wamiyo luor to ma otemo kama tek bin owuoth gi chieth e piere kaweche otamore.
Wabed kawang'eyo ni Joluo madongo dongo osetimo mondo wabed gi jatelo. E kenya masani onge oganda achiel manyalo chung' kende ni mondo gi bed eloch kendgi. Mano ema omiyo nyaka ogendini duto dwaro ni mondo oriwore mondo dongruok kod kwe obed kuonde duto.
Wasebedo gi tabu ndalo duto nikech ok wadwaro ga konyore eiwa kata ei jomoko. Dwaro mondo walok pachwa ahinya. ma ema omiyo Raila ne temo mondo oriwore gi jomoko mondo Jaluo bende obed machiegni gi tiend wach. Kawa bado machiegni gi kama iyake dhiang' eka wabende wanyalo muko kuom mamiyo. Timbe Ajim go biro mana duoko Jalupo chien.
Omiyo akwayo Jaluo duto ni mondo giwinj wach mar Luo 'Council of Elders' kendo gi lu Raila gimi Kibaki kod jotelo mochung' kod NARC kura duto mondo wagol Moi, Kanu kendo kik wawe wuod otike, Uhuru, nafas mondo kik obed machiegni gi loch kendo. Kawa pogore gi jotelo to wabiro bedo gi thagruok nyaka chieng'.
Akwayo Jaluo mondo olok paro kendo obed gi siri ni ka loch obedo e NARC to wabiro yudo lokruok, nikech en ema ochiegni kodwa. Orengo owe tugo gi pach Jaluo, nikech en kod Donde gitemo mana matek mondo gi duog e bunge kama wuod Aringo ne osekonyo gi moumo e pesa mokalo awacha.
Akowo mos gi erokamano ni Jaluo duto mabiro miyo Kibaki, NARC candidates kod jiwo chuny Raila otel nwa eyo.
En an Obaijo Elorowu,
dala mar Kampala City, Uganda
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo dwondi in
bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.