JEXJALUO ****
Ne Akelo nyar kager,
Amor ahinya giyor tudruok mar joka nyanam manyien ni.Gima lich na en ni awinjo wachne mana nyoro.To ema aneno ni an be uwinjie dwonda.
An nyar lowo rateng', ma moluor Tuju en mjumbe mara.Constituensi wa kanyo wan gi chandruok maduong' saidi.Mokuongo tik en wach ndara.Jo Uyoma(ka-chuodho) gi Asembo pok ne owinje mit wuoth ngang' ndalo chwiri.Wang'eyo maber ni nyiri oluoro tedo Uyoma ne wach ma.Gikinyowa ni,"thuru ma kitede to ikuongo ipenjo mana ji ka oyie dhiro Kamolo?"Migosi Tuju paro nang'o e wi wachni?
Mar ariyo,puro pamba dwarore ni oduogi ei Uyoma gi Asembo.Korapson mar jo-jinari ema ne opodho kambi no to lop pamba to pod wango.Iluongo ni "black cotton soil" gi dho ngere.Waywak ne mjumbe wa ma randiga no ni oneye gima onyalo konyogo jo Rarieda e sama en malo kanyono.Wuoyi orome ndi,otigi posison ne.
Ageno ni engi access to yorwa mar tudruok ni.An ja skul mar okang' mar tiegruok ma malo ma idendo ni,University,mar Nairobi ka.Asomo kisungu to kisungu ok en dhowa,ma e dhowa.
Eunice Awuor
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.