JEXJALUO ****
pakruok
Wach nyar kager mokwayogo ni mondo migosi Tuju oparie piny Asembo gi Uyoma owinjo ojiw kendo orwak gi mor. Makmanani ok en pinje ariyogo kende ema pod ni chien e yor wuoth kata e dongruok. Piny Luo duto owinjore opar e yore mag dongruok. Par uru ni kinde mane Joluo nie kedo mar loch Kenya ka higni mokalogo onge dhoot mane oriwore gi Atwara kata Jogot mosebedo e loch kindego duto. Omiyo piny Luo nyaka par mana kanyakla.
Kikawo korka pur, ok en Uyoma kende ema pur pamba nopodhoe to kuonde duto tee epiny Luo. An aa Kano kama pur opodho kodwa e okang' duto tee. Pamba tinde ok wanyal kata leko. Niang' donge uneno ka Miwani, Muhoroni kata mana Chemelil opodho kodwa malich? To Sony sugar to uwinjoni jopur timo maber? Ang'o momiyo Kisumu Molasses plant ok notiek gero? Medie puro michele, Ahero Irrigation scheme to neko ema nyalo maki.
Ok akwan duto nikech kwano duto nyalo miyo chunyji chot. Gima dwarore ni nyaka jotelo ma wayiero e piny Luo kotelnegi kod Agwambo nyaka bed piny kendo go bura e weche mag dongruok e piny Luo ma ka ochopo seche mag pogo yieng'o mag piny (distribution of national resources), to Jokanyanam kik dong' chien. Mano ema ber ma jotelogi nyalo timonwa.
Waparie kendo ni loch masani ok en mar tiyo gi tendi mondo iyieng'go thuru kende to onego ikony joKenya duto. Ka ng'ato pod paro ni Tuju dhi konyo Uyoma gi Asembo kende to obayo yo mabor. Kata Ayacko ok oyier ni okony joRongo kende. Mago gin yore mag loch mane joKenya oriembo odhi e yweyocha.
Erouru kamano kuom wijo pacha magolonu matinni. Jokanyanam odhi mana nyime gi kedo, kiki wanindi nono to Atwaragi omondonwa oko kendo.
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo
dwondi in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.