07/28/2003
WECHE MOKADHO

AGAJA
KUYO

BARUPE

WECHE DONGRUOK

MBAKA

NONRO

JEXJALUO ****

NGECHE LUO

GI GWENG'

THUM

TEDO

LUO KITGI GI TIMBEGI

SIGENDNI LUO

THUOND WECHE


 
 
 Hit Counter
 
 
 
 

Nwang' e-mail ka jaluo.com

WE URU WAMBUI MOS
"Apilo ma ok ichamo to ere kaka lungo dhogi?" Mano edwoko mane nyar mwa odwoko jok mapinge kuom kend margi gi rawera Mbugua.Dhano osewacho manyalo wachore. Jomoko siro kendni to jomoko to ng'udhe oko. Anto ma e nenda.
 
Mokwongo, Mbugua en wuowi ma oseromo nyombo. Wambui to en dhako (jomoko nyalo luonge ni dayo). To nikech ne omako ich di mang'eny ma onyuolo nyithindo buora, en ranyisi ni en dhako. Jopiny kata biblos osiro kendruok man ekind dhako kod dichwo. Kend en yo mowal mar yudo mor mar ringruok, liet kaachiel kod chuny mokue e ndalo mor kata ndalo kuyo. Thoth kend timore kama: thothgi dichwo bedo ni hike ng'eny moloyo dhako. To pok ayudo kama ondikie ni ngang' ok inyal kendo dhako ma hike ohewi. En mana ni Afrika ma ok osebedo katimore. To nikech piny ok ochung' kar tiende, gik mang'eny mane ok timre tinde timore. Kabind nyombo ni be koro en achiel kuom lokruok ma timore e piny tinendeni. Janabi Mohammed en achiel kuom jogo mane onyuomo chi liel ma hike ne ohewe. Nitiere mamoko be to we awe gi kanyo.
 
Ka dipo ni en adieri ni Mbugua ohero Wambui to dayoni be ohere, to ere gima omiyo jopiny rigore ekindgi? Joluo ne owacho ni "konye hero" To par ane, eh adier dibed hono ka Wambui omako ich monyuolo nyathi ne Mbugua. To ng'i ane bathe ka. Kadiponi rawerani en buoch to? Buoch ok onyiso ni ok onyal yienyo, mak mana ni ok onyal miyo dhako ich. Kata da bedni en dhako ma ngili kaka thoth chunyji dwaro. Donge riwruok ni nyalo bedo mor maduong' ne wuod mwa ni? Gik matimore ekind dhako kod dichwo ng'eyo tek. Solomon wuod Daudi ne owuoro ahinya kak dichwo nyalo sero nyako. Mano en achiel kuom gik mane okawe thuolo malach mondo owinji kata obedo ni ne en jatich Ruoth mawiye bith ahinya. An dakwa jopiny ni mondo omi ji ariyogi thuolo mondo wane kaka dakgi dhi. Wariwgi mana lwedo.
 
Daher winjo dwond jopiny mamoko kuom pachani.
Jandiko en,
Mito WuonObonyo ja-Kanga.

 

Ka in gi mari moro ma di wandik ka to orni
Akelo,Nyar Kager 
jaluo@jaluo.com
Daher winjo dwondi in bende, iwinjo?


Waparo mar paro jotend Luo mosekelo pogruok e piny Luo chakre higa 1900 nyaka 1999 e gweng'u  kata ei Luo duto. Koro wakwayou uduto ni par uru ane jogo ma di uket nying gi ka kod weche duto ma ung'eyo kuomgi mondo uor ni Akello NyarKager: jaluo@jaluo.com

Kata inyalo oro twak kod weche manyien ne: Mig. Ajos wuod Atiga
 WuonAbila@jaluo.com


GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.

WENDO MIWA PARO

OD PAKRUOK

                                Copyright © 1999-2003, Jaluo dot com
                                All Rights Reserved