JEXJALUO ****
Nyar Kager,
Amosi kaka pile kendo pod apwoyo tich maler.
Mokwongo Nyakalaga olago onagi e yiero manyocha okalo. Ombulu ne onagi ogoyo kod tuten(fujo). Onyisore maler ni kata ibed mana Jim Orengo to Siasa oselokore, nyaka iluw bang' jopiny bange eka jopiny nyalo luwo bang'i to mana kuom dwach gi.
Omiyo nyar Ger, kawuono awacho ni jowi mathuon ema wachuogo piene. Oyangore ratiro kaka nyakwar Alogo otiyo kod rieko mar "apuoyo" ma oloko godo piny.
Yande e piny Amerka osebedo nwa ywak ahinya mana kaka joka ogwal ka tuk dumbe dumbe mar Joka Gweno hinyo jopiny. Ka wachako Kod FORD, NDP, wadok ei KANU mondo wanon kaka lokruok nyalo bedoe ka ae to Wadonjo kod Liudu motamo wang' Jo'kwath. Jomoko kuomwa ne osegolo chunygi ni ero uketorue wabiro neno ane. moko bene owacho kaka Amolo lingo joluo e nam.
Jo' kamaa nyungu osoro koso!
Jo' piny biro neno ber ahinya kendo joka Gweno biro yudo ranyisi kaka itayo piny. Sani omiyo jo LDP otang' ahinya nikech kura nyocha mar jo' piny owacho. Kidieny ma omigi no mondo gi kony godo piny ka gi winjo wach to gi kwan. Samoro ok gini nene kendo. Ka'jwang' kod lange osemiu telo koro obed mana tich matek kod riwo rieko.
NARC obed joma winjo jo piny nikech mano ekaka dongruok bedo. Chike mar piny mabiro bedo e dwe mar auchiel kanyo ( New Constitution) mondo oloki (translated) e dho - ut Piny Kenya mondo ji obed kod ratiro (rights) margi mar nyuol kaka Sirkal kod jopiny konyore.
Ayie gi kaka yiero mar Joma biro fwadho bandera nyocha obet. Piny osechako lokore. Obila ma nyocha mayoji e yoo ringo tienda gima achamo atuoni.
Nyikwa Ramogi ma Nyocha ochutnegi Sembe, anyuongi ochako oduogo Sango, Jopur Niang' ma nyocha Nyachae temo wango bende yuak. Lor uru Sukari ma aa e pinje maoko. Yore osenego jowa kwano tek. Rasia thieth oduogi e wange. Pamba pod inyalo pur nikech masin pod nitiere Asego Kanyada. Mi uru Jo Ahero kony mondo watiek kech kod pur mar Michele. Kendo wapuonj ji kit chiemo ma opogore opogore.
Mogik to wapuonj uru jowa kaka kendo gima omiyo ji luto kura. Jo siasa bende waketi mondo okaw ting'gi (responsibility) kuom loso chike ma konyo ji. Gi we miriambo mar yudo kombe e od bura. Nyaka gi nyis ranyisi maler/mapoth. Bende onego jo piny ochak fuono rieko mar yiero jo od bura matindo kendo man kod riekni/pon/lony masani.
Wuon Obonyo kod joka Gambo Nyo - Olual man Amerka mondo otudre Koda.
An Oka'wuro ja tok K'Ondigo wuoth Ogik.
Nyakalaga Olag onagi kod jo'Kenya duto Kamoro amora ma gin tiere.
Jungukuu@msn.com
Ka in gi mari moro ma di wandik ka to orni
Akelo,Nyar Kager
jaluo@jaluo.com
Daher winjo dwondi
in bende, iwinjo?
Kata inyalo oro twak kod weche manyien ne: Mig. Ajos wuod Atiga
WuonAbila@jaluo.com
: Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.