09/09/2003
WECHE MOKADHO
JEXJALUO ****
;
E migawo mokadho aselero kaka itimo ka Nyako ngili otho, kawuono adwa lero kaka itimo ka wuoyi otho kapok omako nyako. Mano joluo wacho ni wuoyi otho gi wiye, onyalo chieno jodalagi, omiyo ka dipo ni okelo lek mondo onyuomne nyako to nyaka tiek chik, kaluwore gi kweche Luo.
Wuoro pimo wachno gi owetene, kendo gimanyone nyako, itime ling'ling' ma nyano ok nyisi gima timore. Chieng' gonyo dho Keny to jaduong' dhi e dho dipo kendo oluongo nying wuode mane osetho chande, kowacho ni, "aseyudo ni nyako koro e thuoloni agonyoni dho Keny mondo odhi onyuome".
Ka nyakono osebiro e dala to kuom hawi maber omako ich nyathi mokwongo nyuolo mawuoyi ichako wuoyi mane otho chande. Nyakono to ok nyis wachno nyaka chieng'.
Kuom hawi marach ka wuoyi otho to wuoro onge ot (samoro gidak e boma), jaduong' dhi kendo gero kiru moro matin kanyo ema ibiro gerne wuoyino akumba kendo itieke kweche duto.
Mano ema omiyo idwaro jagam e keny, mondo kik nyako dhi e dala ma ji timbegi obam.
Kwe kende joka nyanam!
Jaduong' Abila,
Ajos wuod Atiga.
Ka in gi mari moro ma di wandik ka to
orni
Akelo nyar Kager
jaluo@jaluo.com
Daher winjo dwondi in bende,
iwinjo?
Inyalo oro twak kod weche manyien ne: Mig. Ajos wuod Atiga
WuonAbila@jaluo.com
GALAMORO : Riwruok mar JOLUO e Piny Ngima, orwaku uduto mondo ubed e kanyakla mar burani. Ornwa nyingi gi nondi kaka obedo. Riwruok e teko joka Nyanam.